Будаўніцтва новага смеццесартавальнага завода ў раёне палігона "Трасцянецкі" пад Мінскам плануецца пачаць вясной. Рэалізацыю праекта сёння абмеркавалі ў Мінгарвыканкаме.
На вытворчым комплексе будуць сартаваць цвёрдыя камунальныя адходы, як змешаныя (да 600 тыс. т у год), так і асобна сабраныя (да 30 тыс. т у год), каб атрымаць другасную сыравіну. Акрамя таго, новы завод будзе вырабляць альтэрнатыўнае паліва з адходаў, так званае RDF-паліва, - да 114 тыс. т у год.Дырэктар інстытута "Белкамунпраект" Дзяніс Драпей паведаміў, што праект праходзіць экспертызу. Ён прадугледжвае ўстаноўку дадатковых канвеераў для павелічэння прадукцыйнасці існуючай лініі прадпрыемства "Экарэс", пабудову новага вытворчага будынка, кацельні на адходах драўніны з запасным электракатлом, збудаванне для сушкі RDF-паліва, падстрэшкі для захоўвання другаснай сыравіны і г.д. На дадзеным этапе яны адмовіліся ад пляцоўкі для кампаставання, але пакінулі месца для яе магчымага будаўніцтва.
Пасля рэалізацыі праекта ўзровень выкарыстання адходаў перасягне 45 працэнтаў.
Старшыня Мінгарвыканкама Уладзімір Кухараў даручыў падрыхтаваць тэрыторыю для хуткага пачатку будаўніцтва. Ён таксама запатрабаваў скласці графікі, вызначыць парадак работ і выбраць падрадчыкаў.
